Ölkə

Hazırda yas mərasimlərinin keçirilməsinə icazə yoxdur - Dini komitə

27 Oktyabr 2021 15:48
Baxış: 1 995

Hazırda Azərbaycanda bir çox hallarda yas mərasimlərinin təşkili müşahidə olunur, adi qaydada yaş mərasimləri keçirilir. Lakin məlumdur ki, pandemiya səbəbindən yas mərasimlərinin keçirilməsində məhdudiyyətlər var.

Məsələ ilə bağlı Trend-ə açıqlama verən Dini Qurumlarla İş üzrə Dövlət Komitəsinin İctimaiyyətlə əlaqələr şöbəsinin müdiri Yaqut Əliyeva deyib ki, hazırda pandemiya səbəindən yas mərasimlərinin keçirilməsinə qoyulan məhdudiyyətlər qüvvədədir:

"Bu gün qlobal problemlər siyahısında ön sırada koronavirus pandemiyası dayanır. İki ilə yaxındır ki, bütün dünyada koronavirusla bağlı kütləvi toplantıların və tədbirlərin keçirilməsinə müvəqqəti məhdudiyyətlər qoyulub.

Azərbaycan Respublikası Nazirlər Kabineti yanında Operativ Qərargah tərəfindən yeni növ koronavirus (COVID-19) infeksiyası ilə bağlı dəfn mərasimləri istisna olmaqla, dini ritual xidmətləri, eləcə də mərasim zallarında, çadırlarda və digər qapalı məkanlarda yas mərasimlərinin təşkili və keçirilməsi ilə bağlı məhdudiyyət hələ də qüvvədədir.

Böyük kütləviliyi ilə seçilən, sosial məsafəyə əməl olunmasının təmin edilməsi az qala qeyri-mümkün olan yas mərasimləri virusun daha çox insan arasında yayılması ehtimalı baxımından böyük təhlükə yarada bilər. Bu gerçəkliyi nəzərə alaraq, özünü və cəmiyyəti qorumaq məqsədilə hər bir vətəndaşın Nazirlər Kabineti yanında Operativ Qərargahın qərarına əməl etməsi zəruridir".

Milli.Az

35 000 AZN-dək krediti ONLAYN sifariş et!

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.