Ölkə

Azərbaycanda rekord - Kitab nəşr olunandan cəmi 3 saat sonra satılıb qurtardı

15 May 2018 18:42
11 Şərh     Baxış: 7 578

Xəbər verdiyimiz kimi ötən həftənin şənbə günü, mayın 12-də tanınmış yazıçı, bestseller kitablar müəllifi Rövşən Abdullaoğlunun "Abaddon" adlı yeni psixoloji detektiv romanı işıq üzü görüb. Lakin kitab nəşr olunandan sonra cəmi bir neçə saat ərzində tamamilə satılaraq qurtarıb.

Milli.Az xəbər verir ki, "Abaddon"un ilkin nəşri topdan və pərakəndə halda olmaqla birlikdə cəmi 3-4 saata alınaraq bitib. Əvvəlcədən onlayn qaydada sifariş edən alıcıların kitabları isə tədricən ünvanlarına çatdırılır.

Kitabın çap olunduğu nəşriyyatdan Milli.Az-a verilən məlumata görə, oxucuların "Abaddon"a olan hədsiz marağını qarşılamaq və onların mövcud tələbatını ödəmək üçün yaxın günlərdə roman ikinci dəfə təkrar nəşr olunacaq və dərhal da satışa çıxarılacaq.

Qeyd edək ki, Rövşən Abdullaoğlunun "Relslər üzərinə uzanmış adam" romanının ilk nəşri cəmi iki həftə ərzində tükənməsi ilə vaxtilə bir rekord qeydə alınmışdı. Lakin "Abaddon"un cəmi bir günə, hətta bir neçə saata satılması ilə müəllif öz rekordunu yeniləyib.

Xatırladaq ki, əsərlərində ən müxtəlif mövzulardan bəhs etməklə oxucuların böyük marağını cəlb edən R.Abdullaoğlu bu dəfə detektiv janrına müraciət edib. Romanda hadisələr İrlandiyada cərəyan edir. Məşhur "Titanik" gəmisini ilk və son səfərinə yola salmış sakit liman şəhərində baş verən silsilə qətllər bütün ölkədə əks-səda doğurur. Qatilin ələ keçirilməsi üçün yerli qarda (polis) əməkdaşları ilə yanaşı paytaxt Dublindən Kork şəhərinə ezam edilmiş məşhur müstəntiq və Amerikadan gəlmiş kriminal psixoloq da axtarış işlərinə cəlb edilir. Daha sonra oxucu çoxşaxəli süjet xətti boyunca qatilin cinayət axtarış komandasına açdığı mübarizəni təqib etməyə başlayır.

Əsər daha çox intellektual-psixoloji yönü ilə də diqqət çəkir. İnsanın bitməyən daxili savaşı, tənəzzülə və təkamülə aparan amillər demək olar ki, bütün obrazların üzərindən fərqli aspektlərdə açıqlanır. Burada qorxu və cəsarət, qorxu və sevgi hissləri bir bədəndə qarşılaşdığı zaman ortaya çıxan maraqlı davranış modelləri ilə rastlaşır, uşaqkən ilk qorxu qarşısında yenilmiş bir neçə fərqli insan həyatı görürük. Romanın bəzi hissələrində psixoloji zədələr qarşısında müdafiə mexanizmini işə salmış insan şəxsiyyətinin nələrə qadir olduğundan bəhs edilir.

Vətənə, milli-mənəvi dəyərlərə bağlılıq və bunun fonunda Tanrıya, dini inanclara fərqli münasibət (İrlandiya xalqı dini etiqadlara, müqəddəs şəxsiyyətlərə bağlılığı ilə tanınır) əsər boyunca ana xətti müşaiyət edərək müxtəlif rakurslardan işıqlandırılır. Sonda mozaikanın bütün daşlarını bir yerə toplayan müəllif maraqlı bir təsvir yaratmaqla əsər boyu oxucunu düşündürən tapmacanın açarını təqdim edir.

Xatırladaq ki, R.Abdullaoğlunun bu günə qədər motivasiya psixologiyası, irfan, fəlsəfə və teologiya mövzularında 24 kitabı nəşr olunub. Motivasiya psixologiyası silsiləsindən olan "Çətin olsa da, həyat davam edir", "Hər bir İnsan hökmdardır", "Arxadakı körpüləri yandırın" kitabları bestseller olub, Onun "Arxadakı körpüləri yandırın" kitabı 2014-cü ildə Türkiyədə də çap edilib. Bədii janrda yazılmış ilk əsəri olan "Bu şəhərdə kimsə yoxdur" psixoloji romanı 2016-2017-ci illərdə Azərbaycanda ən çox satılan kitab olub.
 

İlkin İzzət

Milli.Az

loading...

Şərh yaz:

11 Şərh:

  • Anonim
    Əlpaşa · 15 May 19:3061

    Azərbaycanlılar oxumağa kitab tapmır. Yeni heç nə yazılmır. Bir Çingiz Abdullayev yazırdı o da yazmır, sonra da deyirlər ki, millət kitab oxumur, oxumağa bir şey yoxdur, az çox nə varsa o da rus dilindədir.

    Cavab yaz
  • Anonim
    Roya · 15 May 20:0530

    Cox gozel haldi insanlarimizda kitaba maragin bele yuksek olmagi.Kitab heveskarlarindan bir roman haqqinda melumat almaq isteyirem.Terry Goodkind terefinden yazilib "Dogruluq qilici"6 il bundan evvel seriali da cekilmisdi Turkiye telekanalida gosterilirdi.Araycinin efsanesi. Eger kitabin Azerbaycan diline tercume olundugunu ve harada satildigini bilen varsa zehmet olmasa bura yazsin.

    Cavab yaz
  • Anonim
    Dunya · 15 May 20:2920

    Maraqlı gəldi menemde,goresen belə çox maraqlidi

    Cavab yaz
    • Anonim
      XYZ · 15 May 20:4201

      Baxır tirajına da

      Cavab yaz
  • Anonim
    ( · 15 May 21:0010

    Men kitab oxumaq isteyirem ama islemediyime gore pulim yoxdu.evdekilerede deyirem almirlsr

    Cavab yaz
  • Anonim
    Kserks · 16 May 10:4313

    Mətni oxuyun, amma inanmayın. Yaxşı reklamdır. Mətnin başlığınıda, reklam üçün yaxşı fikirləşiblər.

    Cavab yaz
    • Anonim
      Kserksə cavab · 16 May 11:1430

      Nə bilirsən reklamdı? Bəlkə deyil? Ola bilməz?

      Cavab yaz
  • Anonim
    Seymur · 16 May 11:1120

    Mən almışam bu kitabı. 3 günə oxudum bitirdim. Kitab o qədər maraqlıdır ki, bilmirəm burda ona necə şərh verim. Orda olannhadisələri oxuduqca insan birdə özünə dönür baxır. Adətən detektivlər bir tərəfli olur. Oxudun bəyəndin və ya bəyəndin insana bir faydası olmur. Cinayət baş verir və açılır. Burda isə insanı düşündürəcək o qədər məsələlər varki.... informasiya ilə faydalı informasiya ilə doludur. Faydalıdır. İrlandiya o qədər gözəl təsvir edilib ki, baltik yanl ölkələri bəyənməyimə baxmayaraq ilk İrlandiyaya səfər etmək istədim.

    Cavab yaz
  • Anonim
    Rəşad · 19 May 14:0100

    Neçə tirajlı olub?

    Cavab yaz
  • Anonim
    Бро · 20 May 12:1600

    Ровшан миеллимин китаблары немише монтешемдир

    Cavab yaz
  • Anonim
    Levent · 23 May 10:1000

    Ne deyirsiniz deyin, adam yazir da kishi kimi. Halaldir, belesi Azerbaycanda da bestseller olar, ele dunya da ))

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.