Bakıda turistlər və sakinlər üçün VAHİD ENDİRİM KARTI olacaq

12 Sentyabr 2017 07:00

0 Şərh Baxış: 2 126

Bakıda turistlərin və yerli əhalinin istifadə edə biləcəyi "Baku City Card" (Baku siti kard) adlı vahid endirim kartı yaradılacaq.

Bu barədə Milli.Az-a açıqlamasında Milli Turizm Təbliğatı Bürosunun mətbuat katibi Kənan Quluzadə deyib.

Azərbaycana gələn turistlərin ən çox narazı olduğu hallar - SORĞUnun nəticələri

Onun sözlərinə görə, bu kartdan istifadə edənlər müəyyən xidmətlərdən pulsuz, bəzilərindən isə güzəştli, endirimli istifadə edə biləcəklər: "Bu kart həm turistlər üçün əlverişli olacaq, həm də yerli əhali üçün. Çünki bircə dəfə pulla alınan bu kart vasitəsilə nəqliyyatdan istifadədən, muzeylərə, teatrlara girişdən tutmuş ticarət obyektlərində, brend dükanlarda alış-verişə kimi güzəştlər əldə etmək olacaq. Onlardan bəziləri pulsuz, bəziləri isə məsələn, 10, 20, 30 faiz endirimlə olacaq".

K.Quluzadə qeyd edib ki, hələlik kartın dövriyəyə buraxılması ilə bağlı son danışıqlar gedir. Yaxın zamanlarda hamı bu kartdan ala biləcək.

İlkin İzzət

Milli.Az

Digər maraqlı xəbərlər Milli.Az-ın Facebook səhifəsində