Ölkə

"Oğlumun günahı yoxdur, o, sürüşərək yıxılıb..." - VİDEO - FOTO

14 İyul 2017 12:10
20 Şərh     Baxış: 13 415

Milli.Az qafqazinfo-ya istinadən intihar edın Susana barədə reportajı təqdim edir:

"Susana intihar edən gün hər kəs onun gözəlliyindən danışırdı. Hamı bir-birinə bu sualı verirdi,  "necə ola bilər ki, bu gözəllikdə qadın intihar etsin"? Axı bu yaşda, bu gözəllikdə, iki azyaşlı körpəsi olan insanı həyatda yaşamaq eşqindən nələr məhrum edə bilərdi?"  

Söhbət mayın 15-də  Bakının mərkəzində, Torqovıda yaşadığı evin eyvanına çıxaraq özünü atan 31 yaşlı Susana Şərifovadan gedir. S. Şərifovanı ölüm həddinə çatdırılmasında əri Əbülfəz Baxşiyevin günahı olduğu vurğulanır. Onun tez-tez döyülərək işgəncəyə məruz qaldığı və bu səbəbdən də həyatına son qoyduğu bildirilir.  

Elə bu səbəbdən Əbülfəz Baxşıyev hazırda həbsdədir.

Məsələnin yenidən gündəmə gətirilməsinin səbəbi Susananın qayınanası, şair Simuzər Nüsrətbəylinin bizimlə əlaqə saxlayıb intihar etmiş gəlininin anası Olqa Şərifovanın haqqında səsləndirdiyi ittihamlara cavab verməsi istəyi oldu.

Beləliklə, biz də hadisənin iki ay  tamamında intihar baş verən evə getdik. Müsahibə zamanı ittihamlara cavab aldıq, Susanadan yadigar qalan qızları Nərgiz və Nəzrinlə tanış olduq. Hələ 8 aylığında olan, anasının ölümündən, atasının həbs olunmasından xəbərsiz olan balaca Nəzrinin həyata gülər üzlə baxmasının şahidi olduq. 6 yaşlı Nərgiz isə bütün olanların şahididir.  Bu yaşda bir qızın məktəb həyatına belə acı olaylara şahid olaraq başlaması isə insanın ürəyini dağlayır. Gələcəkdə şahid olduğu bu acıları onun yaddaşından silməksə, yəqin ki, çox çətin olacaq. 

- Simuzər xanım,  oğlunuzun istintaqı ilə bağlı məsələ nə yerdədir? 

- Elə bu gün mən Nəsimi rayon Prokurorluğunda olmuşam. Prokurorla görüşdə də dedim ki, mənim oğlumun günahı yoxdur. O qız sürüşərək balkondan yıxılıb düşüb. 10 dəqiqə ərzində balkonun çöl hissəsində dayanıb. Onun özünü öldürmək cəhdi də olmayıb. Kimisə qorxutmaq istəyirdi. Heç bir ağıllı ana öz iki körpəsini düşünüb həmin hərəkəti etməzdi. O ordan sürüşdümü, başı gicəlləndimi, bilmədim nə oldu. Onun yıxılmağını uşaq da gördü. Əvvəl oğlum evdə yox idi. Sonra o da səsə gəldi. Çünki səsə hər kəs yığışmışdı. Qışqırırdı, yaxın getməyə qorxurduq. 

Ağlımıza gəlməyən bir iş oldu. Çox rəfiqələrim mənə deyirdi ki, onu  psixoloqa göstər. Düşünürdüm ki, cavandır, cavanlıqda şıltaqlıq olur. Beləliklə, onu bağışlayırdım. 

- Uzun müddət ailədə ona işgəncələr verildiyi, körpələrin gözü qabağında döyüldüyü qeyd olunur...

- Bəli, yazırlar ki, 2009-cu ildən ona işgəncələr verilib, mütəmadi olaraq döyülüb. Maddi asılılıq olub. O 2009- cu ildən ailəmizə gəlin gəlib. 2010- cu ildə mən onları Türkiyəyə bal ayına göndərmişəm. Sonra İsveçdə, Stokholm şəhərində 1 il yaşayıblar. Oradan 7 aylıq hamilə Bakıya gəlib. Nərgiz dünyaya gəlib. Sonra 5-6 aydan sonra mənim oğlumu iki il tərk edib gedib. Anası gəlib onu uşaqla evdən bizdən xəbərsiz aparıb. Niyə ana qızın ailəsinə müdaxilələr etməlidir? Necə ki indi yalan müdaxilələr edirlər. Onların müdaxiləsi qızının ailəsini normal hala salmasına imkan vermədi.

- Hadisə baş verən gün hamı belə bir xanımın necə intihar edə bilməsindən danışırdı. İki gözəl övladını olan gənc xanımı həyatına son qoymağa hansı səbəblər vadar edə bilərdi? Yəni heç nə olmadan  bir qadının intihar etməsi mümkündürmü? Bu ailədə əslində nə baş verirdi? 

- İnsan əgər özünü intihar etmə cəhdinə gedirsə, burada ancaq beyin pozğunluğundan söhbət gedə bilər. Bunu tibb elmi də deyir. Heç bir ağıllı ana, qadın nə olursa olsun körpələrini qoyub intihar etmir. Valideyn öz şirin canından övladını üçün keçir. İnsan ölüm ayağına düşəndə belə yalvarır ki, İlahi, məni körpələrimə bağışla. Bu zaman hansısa işgəncə gözə görünməz. Allah eləməsin e, bu evdə işgəncədən söhbət gedə bilməz. Allah-təala da intihar edən insanı sorğu-sualsız qəbul etmir. Bu intihar deyil, fəlakətdir. 

- Heç döyülmə faktı olmayıb? 

- Hansı ailədə söz-söhbət yoxdur ki? Amma daimi işgəncələr, döyülmələr, maddi məsələlər əlbəttə ki, olmayıb. Tibbi ekspertizanın nəticələrini mənə göstərdilər, orada heç bir döyülmə faktı yoxdur. Prokuror da  nəticəni mənə göstərib. Ümid edirəm ki, Nəsimi rayon Prokurorluğu istintaqı haqq, ədalətlə aparacaq. Oğlumun günahsız olduğunu ortaya çıxacaq. Mənim evimdə o hər gün tortlar bişirib, yeməklər hazırlayıb. Qonşulardan da soruşa bilərsiniz. 

- Amma rəsmi nikahları da olmayıb...

- Düzdür, olmayıb. Amma mənim rəsmi nikaha ehtiyacım yoxdur. Ev problemimiz var idi deyə, nikah etməmişdik. Nikah nə verirdi ki? Mənim gəlinim idi də, hər şey də onundur. Ev istəyirdi, ona verəcəkdim, uşaqlarımındır. O, iki il çıxıb getmişdi. Əgər mənim oğlum pis idisə, niyə qayıdıb gəlirdi? 2016-cı ildə ikinci uşağı dünyaya gətirdi. Nəzrin indi 8 aylıqdır. Əgər pis idisə, niyə ikinci dəfə qayıdırdı? Ona görə gəldi ki, başa düşdü ki, ən yaxşı ailə burdadır. Oğlum onu qəbul etdi, ancaq bu səhv idi, oğlum bəlkə də onu qəbul etməməliydi. Nərgizə, Nəzrinə görə qəbul elədi.  Getdin qayıtma da. Mənim də oğlum uşaqcanlı olduğu üçün onu qəbul edirdi. Əbülfəz ali təhsillidir, Tarqovıda böyüyüb, avropalarda yaşayıb. İdmançıdır. Onun haqqında nələr yazmırlar. Onu ediblər bir terrorçu. 

- Anası deyir ki, Nərgizdən oğlunuz narkotik almaq üçün istifadə edirmiş.  Susana da buna dözə bilməyib. Məhz bezərək intihar edib...

- Mən bu ittihamı bu gün prokurora da dedim. Heç elə şey ola bilərmi? Bizim burda bir meyvə və bir də marketimiz var. Oradan nə ürəkləri istəyiblərsə gedib alıblar. Nərgiz deyir ki, anamın yıxıldığını gördüm, bəs mənim atam hardadır? O cürə böhtanı görün, onlar necə düşünüblər? Elə bu ittihamdan bəllidir ki, gəlinim necə bu hala düşüb. Bizim heç ağlımıza da gəlmir ki, ata öz balasını iraq olsun gedib küçədə satar? Lüğətimizdə heç bu söz yoxdur. 

- Uşaqları ana nənəsiylə görüşməyə niyə icazə vermirsiniz?

- Bəli, vermirəm, oğlum da buna icazə vermir. Oğlum da qız uşaqları olduğuna görə onlarla görüşməyə uşaqlara icazə vermirdi ki, tərbiyələri pozulsun. Əgər ana yoxdursa, uşaqlar ataya məxsusdur. Ataları da uşaqları mənə və bacılarına etibar edib. Bundan əlavə, Nərgiz özü də görüşmək istəmir. Onları mən bu evdə böyütmüşəm. Niyə görə getməlidirlər ki? 

Bir dəfə oğlumun sözünə baxmadım, onları görüşdürdüm. Dedim ki, faciəyə düşmüşük da. Evə də dəvət etdim ki, uşaqları bir yerdə böyüdərik. Amma onlar hər dəqiqə məni polislərə çəkdilər. Necə ki, Susanı öyrədirdilər, o da dəqiqədə polislərə müraciət edirdi. 22-ci bölmədə bəlkə də 8 dənə şikayət ərizəsi var. Sonra gəlirdi, Əbülfəzlə barışırdı, gedib əksini yazırdı. Axırıncı dəfə yazıb  ki, "mən əsəbiləşirdim, saçımı qırxırdım, özümə xələl yetirirdim, polisə şikayət edirdim". Özü etiraf edib ki, öz-özünə xəsarət yetirib. Deməli, onun psixologiyası pozulub. 

- Sizin də cinayət məsuliyyətinə cəlb edilməsini tələb edirlər...

- Ekspertizanın nəticələrində də mənim əlimin hansı formada olması göstərilib. 1 əlimdə uşaqla ona yalvarıram ki, belə etmə. Oğlum da yaxın gəlməyə qorxdu. 

- İsveçdə yaşayan qızlarınızla Susananın ailəsini qorxutmusunuz?

- Mənim iki qızım İsveçdə yaşayır. Onlar bu işə müdaxilə etmirlər. Deyirlər ki, qanun nə deyirsə, onu eləsinlər. Mənim qardaşım, nə də anam onu itələməyib. Mənim qızlarım sosial şəbəkədə heç nə yazmırlar. Onların ikisi də ali təhsillidir. Nəvələrim İngiltərə, Şotlandiya, İsveçdə oxuyurlar. Biz belə səviyyəsiz böhtanlardan uzaq ailəyik. Mən də sosial şəbəkələrdə heç nə yazmadım. 

Qızı biabır edirlər ki, saçını kəsdiriblər. Onun üzünə gənə düşmüşdü. Ona görə saçını özü qırxdı. Nərgiz də bunu  görüb. Müstəntiqə də demişəm. Oğlum həftədə iki dəfə onu klinikaya müalicəyə aparırdı. Dişini aparıb düzəltdirdi. O mənim evimdə xanım kimi yaşayıb. 

Gəlini normal yaşamağa qoymadılar. İndi də öləndən sonra onu biabır edirlər. Sən qızını hansı oğlana vermişdin ki, gedib narkotik satıb qızını saxlayaydı? Bu körpə qızların sən gələcəyini düşünürsənmi? Onlar haqqında çox şey deyə bilərəm, ancaq onların səviyyəsinə düşmək istəmirəm. Müvafiq qurumlardan, ölkə rəhbərliyindən xahiş edirəm ki, bu qızlar analarını itiriblər, onları atalarını da itirməyə imkan verməsinlər. 

Milli.Az

Videonu izləmək üçün şəklə klikləyin:
İntihar edən Susananın qayınanası və qızı danışdı

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Şərh yaz:

20 Şərh:

  • Anonim
    teselli · 14 İyul 12:24100

    Ay Allah balaca qizi nece ozune oxsayir. Allah sebeb olanlarin belasin versin. oglunun gunahi yoxdusa niye 2 aydi icerdedi bes????

    Cavab yaz
  • Anonim
    ***** · 14 İyul 12:2760

    Allah belani versin.

    Cavab yaz
  • Anonim
    Ayse · 14 İyul 12:2990

    Axra kimi oxuya bilmedim eseblerim tab getirmedi. Eynen menim bawima gelen kimidi bu qadin nece yalan bohtan atir nolsun menimde heyat yoldawim varlidi imkanlidi amma bir qebik pul vermir ne eynime alir ne yemek almir duzemeli qiraqdan baxanlar hamsi bexteverlik verir. Yaziq Susana Yaziq Uwaqlar.

    Cavab yaz
  • Anonim
    lamiyə · 14 İyul 12:2990

    heyif o korpelerden.Men onu başa düşmədim.Gah deyir psixologiyasi pozulmuşdu başını qirxirdi,gah da deyir gənə düşmüşdü ona görə.

    Cavab yaz
  • Anonim
    Angel · 14 İyul 12:36161

    Qayinana xanim size coox az adam inanir .

    Cavab yaz
    • Anonim
      sena · 14 İyul 13:0890

      Men oxumadim eseb olacam deye reylere baxdim srazi sopet neden gedir deye...birce bunu deyirem o cagalari yetim qoyanin ALLAH belasini versin

      Cavab yaz
  • Anonim
    Səma · 14 İyul 12:5170

    Qaynananın üzü onun haqqında hər şey deyir.ALLAH ən yaxşı hakimdir. O özü sənin cəzanı verəcək.Bir gün o körpələr hər şeyi dərk edəcəklər.Onda sizin əsl məhkəməniz olacaq dırnaqarası şairə...

    Cavab yaz
  • Anonim
    Usaglarimin anasi · 14 İyul 13:0290

    Qafin evvel deyirdiki sallanmis veziyyetde idi hec qiwqirmirdi sakit idi. Indide deyirki qiwqirordi yaxin dura bilmirdiy. Amma gerey etmezdi usahlarinin xatirine. Amma gorun nece bezibki usaglarda hozune gorunmuyub. Qayinanaya hec inanmiram nese.yaman qadina oxsayir.

    Cavab yaz
  • Anonim
    . · 14 İyul 13:0460

    Eynən mənim qaynanam.Hərdən istəyir ki özünü biçaqlasin desin mən etmişəm.

    Cavab yaz
  • Anonim
    ilayda · 14 İyul 13:1070

    Size kimse inanmayir.boşuna nefesnizi tuketmeyin.

    Cavab yaz
  • Anonim
    Sevil · 14 İyul 13:3490

    Gunah oglunda ve bu qadindadir. En esasi da bu qadinda, kin kuduret uzundedir....insaalah bu qadin da cezasini alar

    Cavab yaz
  • Anonim
    xxx · 14 İyul 14:0660

    Deyir uşaqlara görə oğlum onu yenidən qəbul edib, amma vaxt baxımından baxsaq heç o vaxtı balacaq qızı yoxuymuş

    Cavab yaz
  • Anonim
    N▪ · 14 İyul 14:0980

    Simuzər xanım, şəxsi -psixolojı vəziyyətlə, sosial -psixolojı halı qarışdırır . İntihar, intihara cəhd tək maddi çətinliklər səbəbindən yaranmır. Xanımlar bəylərə ALLAHın əmanətidir. Susana xanım, həyat yoldaşından diqqət, hörmət (və s) görsəydi ,2 körpəsi olduğu halda intihar etməzdi. Bu gün xanım artıq yoxdur və bütün günahları da onun üzərinə atmağa çalışır Simuzər xanım. İntihar etməsi çox yalnış seçim olsa da mən Susana xanım haqda deyilənlərə inanmıram. Yəni ailə də hər bir şey normal idi , sadəcə psixalogiyası pozulduğu üçün intihar etdi. Bu fikir heç də doğru və inanılası səslənmir.

    Cavab yaz
    • Anonim
      Lamiye · 14 İyul 23:2720

      menim qohumum 3 ay bundan qabaq psixologiyasi pozuldugu ucun 3 körpəsini qoyub intahar etdi.olanda olur

      Cavab yaz
      • Anonim
        N▪ · 14 İyul 23:5920

        Xanım, psixologiyanın pozulması səbəbsiz olmur. Kökündə nə isə olur ki, pozulur. Əlbəttə belə halda mualicə mütləqdir. İlk yazdığımda da bildirdim ki, Simuzər xanım, qeyd edir ki, heç bir problem olmayıb. Özündə psixoloji problem olub. Mən də qeyd edirəm ki, ola bilsin Susana xanımda şəxsi -psixoji problem olub. Yəni bu xanım ruhi xəstə olmayıb ki, anidən nəyesə görə səbəbsiz intihar edə. İnşəAllah ki, anladınız mənim nə demək istədiyimi.

        Cavab yaz
  • Anonim
    Aygün · 14 İyul 14:4660

    Allah belelerinin cavabın versin.ölen öldü senin haqsız danışıqlarının cavabın vere bilmir.ALlah cavabini versin

    Cavab yaz
  • Anonim
    Aydan · 14 İyul 15:2490

    Men o qaynanana sual vererdim ki senin qızın xoşbextlikden özünü senin dediyin kimi (( tarqovuda yaşayış binasından atar????) heç olmasa körpelerin ahından qorxun axı heç o balaca Nezrin ANA deye bilmir

    Cavab yaz
  • Anonim
    susma · 14 İyul 18:4230

    Allah çezasını versin,kimde günah varsa,evin içini heç kim bilmir

    Cavab yaz
  • Anonim
    AYTEN · 15 İyul 10:5831

    suruserek yixilan saire xanim ne ucun size el uzatmayib yaxininda olmusam deyirdiz

    Cavab yaz
  • Anonim
    alev · 16 İyul 04:1430

    Nə boş boş çərənliyirsən ee sən? Dediklərin yalandır acıq aydin görünür

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.