Ölkə

Dənizdə boğulma halları niyə artır? - (Video)

11 Avqust 2026 01:01

Baxış: 228

VTB-də minimal faiz dərəcəsi ilə nağd kredit 9.9%-dən

#VİDEO #DƏNİZDƏ BOĞULMA

Xəzər dənizində suyun səviyyəsinin azalması boğulma riskini artırır. Çünki su çəkildikcə hövzənin dib quruluşu dəyişir.

Milli.Az Xəzər TV-yə istinadən bildirir ki, Coğrafiya İnstitutunun şöbə müdiri Ənvər Əliyev deyir ki, dənizin səviyyəsinin azalması suyun temperaturuna da təsirsiz ötüşmür.

Onun sözlərinə görə, suyun temperaturunda kəskin dəyişikliklər dənizdə təhlükəsizlik baxımından nəzərə alınmalı amillərdəndir.

Mütəxəssislər qeyd edirlər ki, Xəzərdə suyun səviyyəsinin azalması nəticəsində əvvəllər su altında qalan bəzi sahələrdə çökəkliklər və digər təhlükəli ərazilər yaranır. Bu isə xüsusilə suyun dərinliyini düzgün qiymətləndirə bilməyən şəxslər üçün risk yaradır.

Fövqəladə Hallar Nazirliyi bir daha əhaliyə müraciət edərək, çimərlik kimi nəzərdə tutulmayan nəzarətsiz su hövzələrindən istifadə etməməyə çağırır.

Qeyd edək ki, bu il Azərbaycanda çimərlik mövsümü başlayandan qeyri-çimərlik ərazilərdə suda batan 40-dan çox şəxsin meyiti aşkarlanıb.

Daha ətraflı videomaterialı təqdim edirik.

Müəllif: Ülkər Vəliyeva (Milli.Az redaktor)