Ölkə

BDU-nun 6200-dən çox tələbəsi məzun olur

12 İyun 2026 19:18
Baxış: 1 146
VTB-də minimal faiz dərəcəsi ilə nağd kredit 9.9%-dən
#UNİVERSİTET

Bakı Dövlət Universitetindən 6200-dən çox tələbə bakalavriat və magistratura səviyyələri üzrə məzun olur. 

Milli.Az xəbər verir ki, bunu BDU-nun rektoru Elçin Babayev Məzun günü çərçivəsində jurnalistlərə açıqlamasında bildirib. 

Rektor qeyd edib ki, onların arasında xarici tələbələr də var.

"Bu gənclər qalib ölkənin Zəfər işığında təhsil alıblar. İnanıram ki, onlar Azərbaycanın inkişafına öz layiqli töhfələrini verəcəklər.

Bu il 107 yaşı tamam olan qədim elm və ali təhsil ocağı hər zaman öz tələbələri ilə fəxr edib və bundan sonra da fəxr edəcək.

Belə bir universitetin məzunu olmaq hər kəsə nəsib olmur. Burada təhsil alan hər bir şəxs bununla qürur duymalıdır. Universitetimizin beynəlxalq reytinq cədvəllərindəki göstəriciləri ildən-ilə yaxşılaşır, mövqeyi yüksəlir.

Bu gün tələbələrimiz yalnız auditoriyalarla vidalaşırlar. Onlar hər zaman BDU ailəsinin üzvü olaraq qalacaqlar və bizimlə əlaqələrini davam etdirəcəklər. Artıq bu gün BDU məzunları ölkəmizdə yüksək vəzifələr tutur, xaricdə isə Azərbaycanı layiqincə təmsil edirlər.

Universitetdə yeni ixtisaslar yaradılıb. Əmək bazarının tələblərinə uyğun ixtisaslaşmalar üzrə, xüsusilə magistratura səviyyəsində yeniliklər həyata keçirilir. Eyni zamanda, universitetin infrastrukturu yenilənir, genişmiqyaslı təmir və abadlıq işləri aparılır", - o, qeyd edib.

Mina Mikayılova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.