Ölkə

Dövlət rəsmiləri və vətəndaşlar "Ana harayı" abidəsini ziyarət edir - FOTO

26 Fevral 2025 12:08

Baxış: 1 793

VTB-də minimal faiz dərəcəsi ilə nağd kredit 9.9%-dən

#CƏMİYYƏT #XOCALI #XOCALI SOYQIRIMI

Azərbaycan xalqı Xocalı soyqırımı qurbanlarının xatirəsini yad edir.

Milli.Az Trend-ə istinadən bildirir ki, XX əsrin ən dəhşətli faciələrindən biri olan Xocalı soyqırımının 33-ci ildönümü ilə əlaqədar "Ana harayı" abidəsi ziyarət olunur.

Abidəni dövlət və hökumət rəsmiləri, ziyalılar, ictimaiyyət nümayəndələri, habelə sadə vətəndaşlar ziyarət edir, abidə önünə gül dəstələri düzür.

Xatırladaq ki, Ermənistanın uzun illər azərbaycanlılara qarşı həyata keçirdiyi etnik təmizləmə, nifrət və soyqırımı siyasəti nəticəsində törədilmiş, bəşər tarixinə ən qanlı səhifələrdən biri kimi həkk olunmuş Xocalı soyqırımından 33 il ötür.

1992-ci il fevralın 25-dən 26-na keçən gecə Ermənistan silahlı qüvvələri keçmiş sovet ordusunun 366-cı motoatıcı alayının dəstəyi ilə Xocalı şəhərini işğal etməklə, dinc əhaliyə qarşı soyqırımı cinayəti törətmişdir.

Təkcə Azərbaycan xalqına deyil, bütün bəşəriyyətə qarşı törədilmiş bu soyqırım cinayəti nəticəsində 613 Xocalı sakini, o cümlədən 63 uşaq, 106 qadın və 70 ahıl şəxs amansızlıqla qətlə yetirilmiş, şəhərin 5379 nəfər sakini zorakılıqla qovulmuşdur. Eyni zamanda, həmin vaxt girov götürülmüş 1275 sakindən 150 nəfərin, o cümlədən 68 qadının və 26 uşağın taleyi hələ də naməlum olaraq qalmaqdadır.

FOTO: Azərtac/Trend

Milli.Az