Ölkə

5 xarici şirkətin quş əti məhsullarının gətirilməsinə qadağa - Bakteriya aşkarlandı

10 Yanvar 2025 19:24

Baxış: 398

#QİDA TƏHLÜKƏSİZLİYİ

Azərbaycana beş xarici şirkətin quş əti məhsullarının gətirilməsinə məhdudiyyət qoyulub.

Bu barədə Milli.Az-a Azərbaycan Respublikasının Qida Təhlükəsizliyi Agentliyindən (AQTA) məlumat verilib.

Belə ki, Belarusun "Птицефабрика Городок", Rusiyanın "Индюшкин Двор" və "Невинномысский Мясокомбинат", Ukraynanın "Птицекомплекс Губин", Gürcüstanın "Chirina LTD" şirkətinə məxsus quş əti məhsullarından götürülmüş nümunələrin Qida Təhlükəsizliyi İnstitutunun müvafiq laboratoriyasında müayinəsi nəticəsində "Salmonella" aşkarlanıb. Faktla bağlı qanunvericiliyə uyğun müvafiq tədbirlər görülüb.

Aşkarlanmış uyğunsuzluqlarla əlaqədar aidiyyəti ölkələrin müvafiq qurumlarına ixracın dayandırılmasına dair müraciət ünvanlanıb, görülən tədbirlər barədə Agentliyə məlumat verilməsi bildirilib.

Milli.Az