Ölkə

Astarada qatar yoluna çıxan piyadadan xəbər var

7 Dekabr 2024 14:09

Baxış: 851

Astarada qatarın vurduğu piyadanın son vəziyyəti ilə bağlı Lənkəran rayon Mərkəzi Xəstəxanası açıqlama verib.

Xəstəxananın ictimaiyyətlə əlaqələr üzrə mütəxəssisi Zamin Rzayev bildirilib ki, 07.12.2024-cü il tarixində saat 03:25 radələrində Astara rayonu Böyük Şahağacı kəndində baş vermiş hadisə nəticəsində 1 nəfər (kişi cınsli) sağ ayağın topuq nahiyəsinin amputasiyası, sol ayaq barmaqlarının travmatik amputasiyası diaqnozu ilə Lənkəran Rayon Mərkəzi Xəstəxanasının Təcili və Təxirəsalınmaz Tibbi Yardım Şöbəsinə hospitalizasiya olunub.

Yaralıya zəruri ilkin tibbi xidmətlər göstərilib, vəziyyətinə uyğun olaraq dərhal cərrahi əməliyyata alınıb, hazırda müalicəsi Reanimasiya şöbəsində davam etdirilir.

Vəziyyəti ağır qiymətləndirilir./APA

Milli.Az