Ölkə

"ASAN ödəniş" mobil tətbiqi bəzi smarftonlardan niyə silinib?

20 Avqust 2024 11:53

Baxış: 923

VTB-də minimal faiz dərəcəsi ilə nağd kredit 9.9%-dən

#ASAN #ASAN XİDMƏT #ASAN KOMMUNAL

Bir neçə gündür ki, "ASAN ödəniş" mobil tətbiqi yükləndiyi bəzi smartfonlardan avtomatik olaraq silinib.

Milli.Az oxu.az-a istinadən xəbər verir ki, tətbiqin deaktiv ediləcəyi ilə bağlı istifadəçilərə heç bir xəbərdarlıq olunmayıb. İstər "Play Store", istərsə də "Apple Store"da "ASAN ödəniş" yazıb axtarışa verdikdə isə proqram istifadəçini birbaşa "SMS radar" tətbiqinə yönləndirir.

Məsələ ilə bağlı "ASAN Xidmət"ə sorğu ünvanladıq.

Xidmətin ictimaiyyətlə əlaqələr şöbəsinin müdiri Elnur Niftəliyev Oxu.Az-ın sorğusuna cavab olaraq faktı təsdiqləyib.

O qeyd edib ki, "ASAN ödəniş" mobil tətbiqi "Play Store" və "Apple Store" hesablarında aparılan dəyişikliklə bağlı müvəqqəti deaktiv edilib.

"Bu gündən "Apple Store"da tətbiqin işi bərpa olunub, yaxın günlərdə "Play Store"da da mobil tətbiq aktiv olunacaq",- deyə E.Niftəliyev əlavə edib.

Milli.Az
Xəbərlərimizi WhatsApp kanalımızdan da oxuyun