Ölkə

Gəncə Apelyasiya Məhkəməsinin sədri vəzifəsindən azad edilir

1 Aprel 2024 11:06
Baxış: 626
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gəncə Apelyasiya Məhkəməsinin sədri vəzifəsindən azad edilir.

Milli.Az APA-ya istinadən bildirir ki, bu, Milli Məclisin Hüququ siyasəti və dövlət quruculuğu komitəsinin bu gün keçirilən iclasında müzakirəyə çıxarılan "Azərbaycan Respublikası Ali Məhkəməsi hakimlərinin təyin edilməsi haqqında" qanun layihəsində əksini tapıb.

Layihəyə əsasən, Gəncə Apelyasiya Məhkəməsinin hakimləri Hüseynov Mirbahəddin Mirdamət oğlu və Hüseynzadə Afiq Hüseyn oğlu Sumqayıt Apelyasiya Məhkəməsinin hakimləri təyin ediləcək.

Qeyd edək ki, Hüseynov Mirbahəddin Mirdamət oğlu Gəncə Apelyasiya Məhkəməsinin sədridir.

Eyni zamanda Sumqayıt İnzibati Məhkəməsinin hakimi İsmayıl Rza oğlu Quliyev vəzifəsinin dəyişdirilməsi ilə əlaqədar Sumqayıt Apelyasiya Məhkəməsinin hakimi təyin ediləcək.

Lətifə Məhyəddin qızı Məmmədova da vəzifəsinin dəyişdirilməsi ilə əlaqədar Sumqayıt Apelyasiya Məhkəməsinin hakimi vəzifəsindən azad ediləcək.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.