Ölkə

Gələn ay Rəşt-Astara dəmir yolunun tikintisinə başlanılacaq

17 Dekabr 2023 16:05

Baxış: 647

#İQTİSADİYYAT #IRAN #QATAR #NƏQLİYYAT #DƏMİR YOLU

Gələn ay Azərbaycanla İran arasında Rəşt-Astara dəmir yolunun tikintisinə başlanılacaq.

Milli.Az APA-ya istinadən bildirir ki, bu barədə "Mehr" agentliyinin verdiyi xəbərə görə, bunu İran yol və şəhərsalma nazirinin müavini Şəhriyar Əfəndizadə bildirib.

Nazir müavini qeyd edib ki, əldə olunan razılaşmaya əsasən, layihənin reallaşdırılmasına 2024-cü ilin əvvəlində, yarım ay sonra başlamağı planlaşdırırlar. Şəhriyar Əfəndizadə 162 km uzunluqdakı bu dəmir yolu xəttinin gələn il İran üçün ən vacib dəmir yolu xətti layihəsi olduğunu vurğulayıb.

Rəşt-Astara dəmir yolu Azərbaycan, İran və Rusiyanın dəmir yollarını birləşdirəcək Astara-Rəşt-Qəzvin nəqliyyat dəhlizinin bir hissəsidir. Astara-Rəşt-Qəzvin nəqliyyat dəhlizi isə öz növbəsində Azərbaycan, Rusiya, İran və Hindistanın nəqliyyat kommunikasiyalarını inteqrasiya edəcək Şimal-Cənub Nəqliyyat Dəhlizinin bir hissəsidir.

Milli.Az
Xəbərlərimizi WhatsApp kanalımızdan da oxuyun