Avto

140 min pikap geri çağırılır

23 Aprel 2026 10:00
Baxış: 1 839
VTB-də minimal faiz dərəcəsi ilə nağd kredit 9.9%-dən
#MARAQLI #AVTO #FORD MOTOR CO #SÜRÜCÜ #AVTOMOBİL #ABŞ

"Ford" şirkəti ABŞ-də təhlükəsizlik səbəbilə iri miqyaslı geri çağırma qərarı verib.

Milli.Az xarici mətbuata istinadən xəbər verir ki, şirkət naqillərlə bağlı potensial nasazlıq ehtimalına görə təxminən 140 min "Ford Ranger" modelini servislərə dəvət edir.

Məlumata əsasən, problem avtomobillərin salon hissəsində - günəşlik və ya tavan örtüyündə yerləşən naqillərin zədələnməsi ilə bağlıdır. Bu hal qısaqapanma yaradaraq yanğın riskini artıra bilər. Rəsmi dilerlər avtomobillərdə yoxlama aparacaq, zəruri hallarda isə nasaz hissələri dəyişdirəcəklər.

Qeyd olunur ki, bu barədə məlumat Milli Yol Hərəkəti Təhlükəsizliyi İdarəsi (NHTSA) tərəfindən yayılıb.

Xatırladaq ki, şirkət son aylarda bir neçə dəfə oxşar problemlərlə gündəmə gəlib. Daha əvvəl proqram təminatındakı nasazlığa görə ABŞ-də təxminən 1.4 milyon "Ford F-150" modeli də geri çağırılmışdı. Bu hadisələr fonunda ilin əvvəlindən bəri "Ford"un bazar dəyəri 2.6 faiz azalaraq 51 milyard dollara enib.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.