Dünya

Kataloniyaya azadlıq şansı verilmədi

9 Aprel 2014 10:49

0 Şərh Baxış: 653

#DÜNYADA #RUSSİA

İspaniya Parlamenti Kataloniya vilayətində referendum keçirilməsini qadağan edib. Milli.Az Rusiya mətbuatına istinadən xəbər verir ki, 47 deputat referendum keçirilməsinin leyhinə səs versə də, 299 deputat əleyhinə səs verib. Kataloniyanın prezidenti Artur Mas bəyan edib ki, hökumət referendumun keçirilməsi üçün qanuni yollar axtaracaq.

İspaniyanın hökumət başçısı Kataloniyanı İspaniyadan kənarda görmədiyini bəyan edib. Bundan əvvəl isə İspaniyanın Konstitusiya məhkəməsi noyabrın 9-da keçirilməsi planlaşdırılan referendumu qanunsuz elan etmişdi.

Yanvar ayında Kataloniya parlamenti səs çoxluğu ilə regionun İspaniyadan ayrılması üçün referendum keçirilməsi qərarını verib. Parlamentin 87 deputatı referendum keçirilməsinə tərəfdar olub. 43 nəfər isə buna qarşı çıxıb, 3 nəfər bitərəf qalıb.

İspaniya ərazisinin 25%-i Kataloniyanın payına düşür.

Milli.Az