PUL
Venesueladakı çaylardan birində dünyanın ən böyük qızıl külçəsinin tapıldığı təsdiqlənib. ABŞ-dakı Los-Alamos Milli Laboratoriyasının (Los Alamos National Laborator) alimlərinin qərarı belədir.
Milli.Az Daily Mail-ə istinadən bildirir ki, çəkisi 217,78 qram olan, qolf topu böyüklükdəki qızıl külçəsinin dəyəri 1,5 milyon dollardır.
Amerikalı alimlərin dediklərinə görə, tapıntı dünyanın ən böyük monokristal qızıl külçəsidir.
Külçənin sahibi onun dəyərini dəqiqləşdirməyə, Los-Alamosdakı laboratoriyanın alimləri isə kristalın strukturunu müəyyənləşdirməyə can atırdılar.
Venesueladakı çaylardan birində aparılmış araşdırmalar zamanı tapılmış 4 qızıl külçəsindən biri olan bu rekordçu külçə barədə danışan Mayami Universitetinin professoru, tanınmış geoloq Con Rakovan deyib: "Bu ölçüdə qızıl kristalının strukturu və atomları indiyədək tədqiq edilməmişdi. İndi unikal imkan əldə etmişik".
Amerikalı alimlər mineralı araşdırarkən neytron difraktometriyadan istifadə ediblər.
Milli.Az
Böyütmək üçün şəkillərə klikləyin.
Videonu izləmək üçün şəklə klikləyin.
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
