Cəmiyyət

İmam Həsən Müctəba (ə) Müqəddəs Kitabımız barədə

1 Dekabr 2016 22:15
6 Şərh     Baxış: 811

Məsum İmamların (ə) ən mühüm vəzifələrindən biri - dini, əhkamı və Quran təfsirini təbliğ etmək olmuşdur. Əhli-beyt (ə) - Quranın arifləridirlər. Məsumlar (ə) Quranın batinidirlər və onlardır Quranın həqiqi təfsirçiləri.

Quran barədə İmam Həsən Müctəbanın (ə) mübarək dilindən dinləyək. Ərbəli İmam Həsəndən (ə) nəql edir ki, buyurub: "Bu Quran - nur çırağı, sinələrin şəfasıdır". Allah yolunun yolçusu gərək onun nurunda seyr etsin.
İmam Həsən (ə) başqa yerdə buyurur: "Dünyada Qurandan başqa bir şey qalmamışdır. Ona görə də onu öz rəhbəriniz qərar verin ki, sizi hidayətə yönləndirsin. Qurana ən layiqli insanlar o kəsdir ki, ona əməl edər, baxmayaraq ki, onu əzbərləməz. Qurana ən uzaq insan o kəsdir ki, ona əməl etməz, baxmayaraq ki, onu oxuyar".
Milli.Az deyerler.org-a istinadən bildirir ki, İmamın (ə) bu nurani sözlərində məqsəd odur ki, Quranın buyurduqlarına əməl edərək onu öz imamınız, rəhbəriniz qərar verin.
İmam Həsən (ə) buyurur: "Bu Quran rəhbər halında Qiyamət günü gələcək və o insanlar ki, Allahın halalını halal, haramını haram biliblər və Qurana iman gətiriblər - behiştə yollanarlar. O insanlar ki, İlahi əhkamı məhv ediblər və Allahın haramını halal qəbul ediblər - atəşə atılarlar".
İmam Həsən (ə) buyurur: "Hər kim Quran barəsində öz rəyi ilə danışar və təfsir edərsə, haqq olsa belə, günah etmiş olar".
İmam Həsən ibni Əli (ə) Allaha həmd etdikdən sonra buyurmuşdur: "Mən o nəsildənəm ki, Allah onlarla səmimi dostluğu hər bir müsəlmana vacib buyurmuşdur".
İmam (ə) buyurur: "Hər kim Quran oxuyar, bir yerinə yetən duası olar, ya gec və ya tez".
İmam Həsən (ə) "Həşr" surəsinin son üç ayəsinin fəziləti barəsində buyurur: "Hər kim səhəri edər və "Həşr" surəsinin son üç ayəsini oxuyar və həmin gündə ölərsə - şəhidlərin möhürünü alar (onların dəftərində qeydə alınar). Gecəni etsə və onu oxusa və həmin gecə ölsə - həmçinin şəhidlərin möhrünü alar".

Milli.Az

DİGƏR XƏBƏRLƏR

Şərh yaz:

6 Şərh:

  • Anonim
    1988 · 1 Dekabr 23:2240

    ALLAH sizin qatillerinize Lenet elesin Ya Ehli beyt.

    Cavab yaz
  • Anonim
    mən · 2 Dekabr 00:1340

    "Elə Quran oxuyanlar var ki,Quran onlara lənət oxuyur"-İmam Əli (ə).

    Cavab yaz
  • Anonim
    iz · 2 Dekabr 00:3730

    Allahım Kaş Bizde İMam HESen İmam HüSeyin kimi sene laiq olanlardan olardıq amma heyifki dünyanın zahiri bizi şeytana uyub ve gunaha yönelirik bizi bagışla Ey Herşeye Qadir olan Allah Salam olsun Ehli beyte sonsuz.

    Cavab yaz
  • Anonim
    Ceyhun · 2 Dekabr 08:0740

    Allah bizi Quran və Əhli-beytdən kənar salmasın.

    Cavab yaz
    • Anonim
      .. · 2 Dekabr 22:0010

      Amin.Hz.Eli e.s. kimi ogullarimiz,Fatime s.e.qeyretli qizlarimizin sayi coxalsin vetenimizde.

      Cavab yaz
    • Anonim
      .. · 2 Dekabr 22:4400

      Allah mominlerledir.O oz nurunu tamamlayacaq.InweAllah!

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.