Cəmiyyət

Xəzəri bizdən kimlər, niyə aldılar? - VİDEO

13 Avqust 2015 19:08
12 Şərh     Baxış: 3 995
VTB-də minimal faiz dərəcəsi ilə nağd kredit 9.9%-dən

Budur, gəlib çatdım. Dənizin sahili olmalıdır. Hə, elədir, olmalıdır.

Amma deyil. Qarşımı uca hasar kəsib.
Hasarın o tərəfi isə dəniz, qumsallıq, ləpədöyən, sahil, dalğalardır.
Dənizin səsini, dalğaların çırpıntısını eşidirəm, amma çata bilmirəm.
Hasar boyunca gedirəm, gedirəm - amma divar bitmək bilmir.
Daşlarının arası sanki qəzəblə yoğrulub zəhmllə qarışdırılan hasar yuxarıdan aşağı zabitə ilə baxır mənə. 
Hasarın o tərəfi dənizdir. Xəzərdir.
Abşeronun çimərliklərini, qumsallıqlarını, ləpədöyənlərini bizdən ayırıb özlərininki edənlərin villaları, özəl çimərlikləri, restoranları, otelləri, daha nələri, nələridir hasarın o tərəfi.
Bu tərəfdə isə mənəm. Bəşər övladı, amma övladının bəşərinin bu dənizi görə biləcəyinə ümidi az olan bir kəs.
Dənizi məndən ayıran, məni də dənizdən uzaq tutan hasarı ucaldan tamah, saxlayan amirənəlik, möhkəm edən laqeydlikdir. Hasar boyu addımlayıram və addımların sayını itirəndə anlayıram ki, hasarın, divarın daşları sanki səfləri ilə yanımla gedir.
İzləyir məni - həbsxanada məhbusu nəzarətçi müşayiət edərək izləyən təki.
Halbuki o hasar dəniz azadlığımı əlimdən alıb.
Hasarlar dağılmalı deyilmi?

Orxan Hun
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.