Zaqatalada narkotik alverçisi tutuldu

Milli.Az Kanal S-ə istinadən bildirir ki, Zaqatalada narkotik vasitələrin qanunsuz dövriyyəsi ilə məşğul olan şəxs saxlanılıb.

Zaqatala Rayon Polis Şöbəsindən  verilən məlumata görə, Zaqatala RPŞ-nin əməkdaşları rayon ərazisində narkotik vasitələrin qanunsuz dövriyyəsi ilə məşğul olan şəxslərin aşkarlanaraq istintaqa təhvil verilməsi istiqamətində növbəti əməliyyat-axtarış tədbirini həyata keçirib. Keçirilmiş tədbir nəticəsində Zaqatala şəhəri Fikrət Əmirov küçəsi, ev 1, mənzil 42-də yaşayan, 1988-ci il təvəllüdlü Sabir Bəhram oğlu Şirinov Zaqatala  şəhəri ərazisində şübhəli şəxs qismində saxlanılıb. Hal şahidlərinin iştirakı ilə Sabir Şirinovun üzərinə baxış zamanı 15,4 qram narkotik vasitə hesab olunan qurudulmuş marixuana aşkarlanaraq götürülüb. Fakla bağlı Zaqatala RPŞ-də cinayət işi başlayıb, araşdırma aparılır.

Milli.Az