Dünya

Liviyada İŞİD rəhbərlərindən biri saxlanılıb

8 Sentyabr 2021 10:36
0 Şərh     Baxış: 1 893
VTB-də minimal faiz dərəcəsi ilə nağd kredit 9.9%-dən
#İŞİD #LİVİYA

İŞİD terror təşkilatının rəhbərlərindən biri Mübarək al-Harmi Liviyada saxlanılıb.

Milli.Az report-a istinadən bildirir ki, bu barədə Liviya hökuməti yanında Birgə Əməliyyatlar Mərkəzi - Terrorizmlə Mübarizə üzrə Bölmənin sosial şəbəkələrdəki səhifəsində deyilir.

Harmi Liviyanın qərbindəki Beni Valid şəhərində keçirilən xüsusi əməliyyat zamanı təşkilatın iki üzvü ilə birlikdə yaxalanıb.

Saxlanılan şəxs terror təşkilatının Şimali Afrikadakı şəbəkəsində əhəmiyyətli fiqur hesab edilir. Onun tutulması üzrə əməliyyat Liviya Baş Prokurorluğu ilə əlaqəli keçirilib.

Liviyanın baş naziri Əbdülhəmid Dibeyba sosial şəbəkələrdəki paylaşımında Harminin yaxalanmasını böyük müvəffəqiyyət adlandırıb.

"İŞİD başçılarından biri Mübarək al-Harminin tutulması bizim cəsur təhlükəsizlik qüvvələrimizin və Birgə Əməliyyatlar Mərkəzinin böyük müvəffəqiyyətidir. Terrorizmlə mübarizə ölkəmizin bütün guşələrində davam etdiriləcək", - Dibeyba yazıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.