İraqın cənubunda Di-Kar vilayətində yerləşən Nəsiriyyə şəhərində koronavirusa yoluxanların müalicə aldığı xəstəxanada yanğın baş verib.
Milli.Az Trend-ə istinadən bildirir ki, "İmam Hüseyn" adına xəstəxanada oksigen balonu partlayıb. Partlayışdan dərhal sonra yanğın başlayıb.
"İmam Hüseyn" xəstəxanasında baş verən yanğının səbəbi ehtiyatsız davranma nəticəsində oksigen balonunun partlamasıdır. Şəhərin mülki müdafiə xidməti yanğının qarşısının alındığını açıqlayıb. Hadisə ilə əlaqədar Səddam ət-Tavil əyalətinin səhiyyə naziri istefa məktubu təqdim edib.
İraqın Baş naziri Mustafa Əl-Kazımi ölkədə matəm elan edib. Bundan başqa, o, faciənin səbəblərinin araşdırılması üçün xüsusi komissiya yaratmaq barədə tapşırıq verib.
Eyni zamanda, parlamentin sədri Məhəmməd əl-Halbusi xəstəxanada baş vermiş yanğın faktının müzakirə olunması üçün qanunverici orqanda xüsusi iclas keçiriləcəyini bildirib.
Milli.Az