Başına kondesioner düşən yanğınsöndürən huşunu itirib.
Milli.Az nypost-a istinadla xəbər verir ki, bədbəxt hadisə Nyu-Yorkda, Bruklin səmtində baş verib.
Yaxınlıqda baş verən yanğını söndürmək üçün əraziyə yollanan yanğınsöndürən hərəkətdə olarkən başına kondesioner düşüb. O, huşunu itirərək yerə yıxılıb. Onun yaxınlıqda olan kolleqaları köməyə gəliblər. O, dərhal xəstəxanaya çatdırılıb.
Həkimlər bildirib ki, onun başında dəbilqənin olması nəticəsində yanğınsöndürən yüngül xəsarət alıb.
İsmayıl
Milli.Az