Dünya

İran uranı 20% zənginləşdirməyə başladı

5 Yanvar 2021 15:39
Baxış: 557
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İran Fordo nüvə obyektində uranın 20% zənginiləşdirilməsinə başlayıb.

Milli.Az Trend-ə istinadən bildirir ki, bunu İranın Atom Enerjisi Təşkilatının sözçüsü Behruz Kamalvəndi deyib.

B.Kamalvəndinin sözlərinə görə, uranın zənginləşdirilməsi artıq stabil səviyyədədir.

O, əlavə edib ki, zənginləşdirmə İrana qarşı tətbiq olunan sanksiyaların ləğv edilməsi üçün strateji addım planının icrası istiqamətindədir.

Təşkilat rəsmisi bildirib ki, İran 2010-cu ildə 20%-lik zənginləşdirilmiş uranı istehsal edib və buna görə, hazırkı istehsal yeni potensial deyil. İranın 20%-dən yuxarı uranı zənginləşdirmək potensialı var və hazırda bu potensial araşdırılmaqdadır.

Qeyd edək ki, son vaxtlar İran parlamenti İranla 6 ölkə arasında imzalanan Hərtərəfli Birgə Fəaliyyət Planının icra olunmaması və İrana qarşı sanksiyaların tətbiq olunmasını əsas gətirərək sanksiyaların ləğv edilməsi məqsədilə strateji planın icra edilməsinə qərar verib.

Xatrıladaq ki, İran nüvə sazişinə əsasən 2016-cı ildən uranın zənginləşdirilməsini məhdudlaşdırmışdı.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.