Ermənistan Baş naziri Nikol Paşinyan hökumət binası qarşısında etiraz aksiyası keçirən hərbçilərin qohumları ilə görüşüb.
Milli.Az qafqazinfo-ya istinadən xəbər verir ki, bu barədə "News.am" xəbər verib.
Görüşdən sonra aksiya iştirakçıları bildiriblər ki, Paşinyan ona daha iki gün vaxt vermələrini xahiş edib, bundan sonra o onların suallarına dəqiq cavab verəcək.
"Paşinyan dedi ki, şəxsən zəmanət verir. Amma biz cavab verdik ki, buna inanmırıq. Onda o qeyd etdi ki, son cavabı 30 noyabrdan gec olmadan verəcək. Dedik ki, əgər 30 noyabra qədər son cavab olmasa, özümüz uşaqlarımızın dalınca yola düşəcəyik", - deyə valideynlərdən biri bildirib.
Digər valideyn isə onların uşaqlarının Ermənistanın hərbi hissələrinə xidmətə köçürülməsini tələb etdiklərini bildirib.
Milli.Az