Kütləvi mərasimlərin keçirilməsi ilə bağlı məhdudiyyətlərin qüvvədə olmasına baxmayaraq şənlik təşkil edən şəxslər saxlanılıblar.
Milli.Az haberler-ə istinadla bildirir ki, toyların və 5-6 nəfərdən çox insanın toplaşa biləcəyi digər mərasimlərin keçirilməsi ilə bağlı qadağaların tətbiq edildiyi vaxtda 15 nəfərlə birlikdə xına mərasimi keçirən şəxslər cəzalandırılıblar.
Türkiyənin Bursa şəhərindəki restoranların birində xına mərasimi təşkil edənlər ümumilikdə 27 min lirə (təxminən 7 min manat) məbləğində cərimələniblər.
Qeyd edək ki, sentyabr ayının 4-dən etibarən Türkiyədə yenidən toyların, nişan və xınayaxdı mərasimlərinin keçirilməsi qadağan edilib.
İsmayıl
Milli.Az