Rusiya ordusunun generalı Suriyada həlak olub.
Milli.Az APA-ya istinadən xəbər verir ki, Suriyada avtomobil karvanının partladılması nəticəsində Rusiya ordusunun general-mayoru ölüb.
Rusiya MN partlayış zamanı daha iki rus hərbçisinin yaralandığını açıqlayıb.
Hadisə Deyr-ez-Zor yaxınlığında humanitar aksiyadan geri qayıdan zaman baş verib. Əldəqayırma partlayıcı qurğunun işə düşməsi nəticəsində partlayış olub.
Adı hələlik açıqlanmayan Rusiya Silahlı Qüvvələrinin general-mayoru hadisə yerindən təcili təxliyə olunub və ona tibbi yardım göstərilib. Lakin onun həyatını xilas etmək mümkün olmayıb.
Milli.Az