Dünya

Yaponiyada əhaliyə çağırış edildi

10 Avqust 2020 11:49
Baxış: 1 253
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yaponiya Prefekturalarının Qubernatorları Assosiasiyası əhalini Obon bayramı günlərində ciddi şəkildə düşünməyə və doğma şəhərlərə səfərlərdən çəkinməyə çağırıb.

Milli.Az AZƏRTAC-a istinadən bildirir ki, qubernatorlar bu barədə onlayn formatda keçirilən konfrans zamanı bəyan ediblər.

Okinava prefekturasının qubernatoru Tamaki Denni deyib ki, əgər insanlar bu çağırışa əməl etməyərək doğma şəhərlərinə səfər edərlərsə, bu zaman heç bir halda koronavirusa daha həssas olan yaşlı insanlarla görüşməməlidirlər. Bu prefekturada koronavirusa yoluxanlar arasında yaşlılar xüsusilə üstünlük təşkil edirlər.

Tokionun qubernatoru xanım Koike Yuriko isə nəvələrə öz baba və nənələri ilə internet vasitəsilə əlaqə yaratmağı tövsiyə edib.

Osakanın qubernatoru Yoşimira Hirofumi deyib ki, onun prefekturası insanları doğma şəhərlərinə səfərlərdən çəkinməklə yanaşı, böyük qruplar halında toplaşaraq içki məclisi düzəltməkdən çəkinməyə çağırır.

Qubernatorlar hər bir prefekturanın öz veb-saytında insanları doğma şəhərlərə səfərlərdən çəkinməyə və bu zaman qəbul etdikləri qərar barədə ciddi şəkildə düşünməyə çağıran müraciət yerləşdirmək barədə razılığa gəliblər.

Onlayn konfrans zamanı, eyni zamanda mərkəzi hökumətə virus testlərinin daha geniş ərazidə, daha sürətlə təşkili məqsədilə tədbirlərin gücləndirilməsi və səhiyyə xidmətləri üçün prefekturalara ayrılan qrantların məbləğinin qaldırılması barədə müraciət də qəbul edilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.