Dünya

İranda daha 163 nəfər öldü

9 Avqust 2020 14:37
Baxış: 632
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İranda ötən sutka ərzində daha 163 nəfər koronavirusdan (COVID19) ölüb.

Bunu İranın Səhiyyə, Müalicə və Tibbi Təhsil Nazirliyinin sözçüsü Sima Sadat Lari deyib.

Milli.Az xəbər verir ki, bu barədə Trend-ə nazirliyə istinadən məlumat verib.

S.Sadat Larinin sözlərinə görə, beləliklə indiyədək İranda bu virusdan ölənlərin sayı 18 427 nəfərə çatıb.

Sadat Lari əlavə edib ki, ötən 24 saat ərzində İranda daha 2 020 nəfər koronavirusa yoluxub. Bununla da İranda bu virusa yoluxanların sayı 326 712 nəfərə yüksəlib.

Nazirlik rəsmisi İranda indiyədək 284 371 nəfərin koronavirusdan sağaldığını deyib.

Sadat Lari qeyd edib ki, İranın Mazandaran, Tehran, Qum, Gülüstan, Şimali Xorasan, Ərdəbil, İsfahan, Əlborz, Rəzəvi Xorasanı, Kirman, Simnan, Şərqi Azərbaycan, Mərkəzi, Yəzd və Gilan vilayətləri qırmızı zonalar hesab olunurlar.

İranda indiyədək 2,68 milyondan çox diaqnoz testi həyata keçirilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.