Dünya

Ərdoğan Livan prezidentinə başsağlığı verib

5 Avqust 2020 09:15
Baxış: 848
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Türkiyə prezidenti Rəcəb Tayyib Ərdoğan livanlı həmkarı Mişel Auna telefonla zəng edib.

Milli.Az Trend-ə istinadən xəbər verir ki, bu barədə Türkiyə Prezidenti Administrasiyasının İctimaiyyətlə əlaqələr şöbəsindən bildirilib.

Məlumata əsasən, Türkiyə prezidenti livanlı həmkarına ötən gün Beyrutda baş güclü partlayış nəticəsində çox sayda insanın ölməsi ilə əlaqədar başsağlığı verib, xəsarət alanların tezliklə sağalmasını diləyib.

T.Ərdoğan telefon danışığı zamanı həmçinin Ankaranın Livana faciənin nəticələrinin aradan qaldırılması üçün lazımi humanitar yardım, o cümlədən səhiyyə sahəsində yardım göstərməyə hazır olduğunu qeyd edib.

Xatırladaq ki, ötən gün Livanın paytaxtı Beyrutun dəniz limanında güclü partlayış baş verib. Partlayış nəticəsində 78 nəfər həlak olub, 4 min nəfər isə xəsarət alıb.

Partlayış limanın 2700 ton ammonyak selitrası (ammonium nitrat duzu) saxlanılan anbarında qaynaq işləri aparılarkən baş verib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.