Dünya

Dünyanı gələcəkdə gözləyən qarşısıalınmaz fakt - 11,2 milyard insan...

10 İyul 2020 23:43
Baxış: 2 290
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Birləşmiş Millətlər Təşkilatı İnkişaf Proqramının (UNDP) 1989-cu ildə BMT Baş Assambleyasına təqdim etdiyi təklifin qəbul olunması ilə hər il 11 iyul dünya əhalisindən qaynaqlanan problemlərə diqqət çəkilməsi məqsədilə Dünya Əhalisi Günü kimi qeyd olunur.

Milli.Az xəbər verir ki, BMT hesabatlarından dünya əhalisinin hazırkı vəziyyəti və regional artım-azalma balanslarına dair aparılan analizə görə, 2100-cü ildə dünya əhalisinin sayı 11,2 milyarda yüksələ bilər.

Dünya əhalisi 1600-cü ildə 600 milyon nəfər ikən 1804-cü ildə 1 milyarda, 1927-ci ildə 2 milyarda, 1961-ci ildə 3 milyarda, 1971-ci ildə 4 milyarda çatıb. Əhali sayındakı sürətli artım 2011-ci ildə 7 milyarda çatmağa səbəb olub. Hazırda 7,79 milyard olan dünya əhalisinin sayının 1950-ci ildən sonra müşahidə edilən artım təsiri ilə son dövrdə 12 ildə 1 milyard artdığı müəyyən edilib.

Hazırda dünya əhalisinin 25,4%-i 15 yaşdan kiçik, 23,7%-i 10-24 yaşında, 9,3%-i isə 65 yaşdan yuxarıdır.

Dünyada insanların 60%-i (4,7 milyarda yaxın) Asiya qitəsində yaşayır. 17%-i Afrika, 10%-i Avropa, 8%-i Latın Amerikası və Karib dənizi, 5%-i isə Şimali Amerika və Okeaniyanın payına düşür. Beləliklə, Asiya dünyada ən çox insana ev sahibliyi edən qitədir.

Dünyanın ən çox əhaliyə malik 2 ölkəsi isə 1,4 milyard sayla Çin və 1,3 milyard sayla Hindistandır. Hindistanın 2027-ci ildə Çini keçərək dünyanın ən qələbəlik ölkəsi olması təxmin edilir.

Dünya miqyasında insan qələbəliyinin ən aşağı olduğu ölkə isə Monqolustandır - 1 milyon 116 kv/km sahədə 3 milyon insan yaşayır.

Bosniya və Hersoqovina, Bolqarıstan, Xorvatiya, Macarıstan, Yaponiya, Litva, Latviya, Moldova, Rumıniya, Serbiya və Ukrayna daxil olmaqla, 2050-ci ilə qədər bəzi ölkələrin əhalisinin 15%-dən çox azalacağı pqronozlaşdırılır.

Dünya miqyasında 2050-ci ilə qədər görülcək qlobal əhali artımının yarısından çoxunun Afrikada gerçəkləşməsi, Səhraaltı Afrika əhalisinin 2050-ci ilə qədər ikiqat artması gözlənilir. (publika.az)

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.