COVID-19 pandemiyası ilə əlaqədar İstanbulda daha bir xəstəxana istifadəyə verilib.
Milli.Az AZƏRTAC-a istinadən bildirir ki, tibb müəssisəsinin açılış mərasimi Türkiyə Prezidenti Rəcəb Tayyib Ərdoğanın iştirakı ilə keçirilib.
Tədbirdə çıxış edən Rəcəb Tayyib Ərdoğan deyib ki, biz bir müddət bu xəstəliklə yaşamalıyıq. Prezident pandemiya dövründə Türkiyədən dünyanın 138 ölkəsinə tibbi ləvazimatlardan ibarət yardımın göndərildiyini xatırladıb.
Yeni istifadəyə verilən xəstəxana 1105 stasionar, 3500 ambulator xəstə üçün nəzərdə tutulub.
Milli.Az