Dünya

Yaponiya etiraz edir: Koreya Respublikası G7 sammitinə dəvət edilməsin!

28 İyun 2020 11:29
Baxış: 1 039
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yaponiya ABŞ tərəfinin Koreya Respublikasının G7 sammitinə dəvət olunması barədə təklifinə etirazını bildirib.

Milli.Az AZƏRTAC-a istinadən bildirir ki, Yaponiya bunu Seul ilə iştirakçı ölkələr arasında mövcud fikir ayrılıqları ilə əsaslandırıb. Bildirilir ki, Vaşinqtona bu barədə etiraz ABŞ Prezidenti Donald Trampın G7 formatının köhnəlməsi və Koreya Respublikası da daxil olmaqla bir neçə ölkəni həmin sammitə dəvət etməsindən dərhal sonra bildirilib. Buna əsas kimi, Koreya Respublikası Prezidentinin "Çin yönümlü siyasəti", həmçinin "Böyük yeddiliklə" bu ölkə arasında KXDR-ə münasibətdə fikir ayrılıqlarının olması göstərilib.

Xatırladaq ki, mayın 30-da Ağ evin mətbuat xidməti Donald Trampın G7 sammitinin iyunun sonundan sentyabra keçirilməsi və buraya Avstraliya, Rusiya, Koreya Respublikası və Hindistanı dəvət etmək planı barədə məlumat yayıb. Böyük Britaniya və Kanada G7-nin genişləndirilməsinin əleyhinə olduqlarını dərhal bildirsələr də, Koreya Respublikası və Avstraliya ABŞ liderinin dəvətini artıq qəbul etdiklərini bəyan ediblər.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.