Ermənistanın sabiq prezidenti Robert Koçaryan apellyasiya məhkəməsinin qərarı ilə həbsdən azad edilib.
Milli.Az Trend-ə istinadən xəbər verir ki, R.Koçaryanın vəkilləri onu azad etməkdən imtina etmiş birinci instansiya məhkəməsinin qərarından şikayət bildirmişdi.
Sabiq prezident 4,1 milyon dollar girov məbləğində azad edilib.
Xatırladaq ki, R.Koçaryan 2018-ci ildə 2008-ci il mart ayında baş verən etiraz aksiyalarının dağıdılmasına görə konstitusion quruluşu devirmək ittihamı ilə həbs edilmişdi. R.Koçaryan iki dəfə həbsdən azad edilsə də, ötən il yenidən həbs olunmuşdu.
Milli.Az