Dünya

Hindistan koronavirusdan ölənlərin sayına görə Rusiya, İran və Almaniyanı keçdi

15 İyun 2020 10:09

0 Şərh Baxış: 1 275

#DÜNYADA #HİNDİSTAN #KORONAVİRUS

Dünyada koronavirusa yoluxanların sayı 8 milyona çatır.

Milli.Az xəbər verir ki, Ümumdünya Səhiyyə Təşkilatının bugünkü statistikasına əsasən, dünya üzrə koronavirusa yoluxanların sayı 7,995,877-ə çatıb. 4 milyondan çox insan bu virusdan sağalıb, 435,598 nəfər Covid-19 səbəbindən dünyasını dəyişib.

ABŞ koronavirusa yoluxanların sayına görə siyahıda uzun müddətdir ki liderdir. Siyahıda ikinci yeri Braziliya, üçüncü yeri isə Rusiya tutur.

Xəstəliyin ilk yaranmağa başladığı vaxtlarda çox az yoluxma halı baş verən Hindistan siyahının dördüncü pilləsinə yüksəlib. Hindistanda koronavirusdan ölənlərin sayı (9520) Çin, Rusiya, Almaniya, Türkiyə və İrandan da çoxdur.

Qeyd edək ki, koronavirus yeni yayılmağa başlayan vaxtlarda bəzi şəxslər virusun İtaliyada yayılıb, Çinin yaxınlığında yerləşən Hindistanda yayılmamasını əsas gətirərək bunun "böyük oyun" olduğunu iddia edirdilər.

Bəxtiyar Umarlı
Milli.Az