İspaniya dünyada koronavirusa qarşı dərmanları xəstələr üzərində klinik sınaqdan keçirən üçüncü ölkədir.
Milli.Az AZƏRTAC-a istinadən bildirir ki, hazırda İspaniyada SARS-CoV-2 virusuna qarşı effektli nəticələr göstərmiş preparatlar Böyük Britaniyadan sonra xəstələr üzərində klinik sınaqdan keçirilir.
Dünyada artıq 300 min nəfərin iştirak etdiyi 556 klinik sınaqların aparılmasına başlanıb. İspaniyaya gəldikdə isə, burada 76 sınaq prosesinə 25 min 227 pasiyent cəlb olunacaq. İspaniyanın əczaçılıq şirkətləri xəstələri, həmçinin koronavirusun yayılma səviyyəsinin daha yüksək olduğu Braziliya, Rusiya, ABŞ kimi ölkələrdə cəlb etməyi nəzərdə tutur.
Milli.Az