PUL
Rusiyada 400-dən çox jurnalist koronavirusa yoluxub. Onların çoxu xəstəliyi yüngül keçirib, beş KİV əməkdaşı isə infeksiya səbəbindən həyatını itirib.
Milli.Az AZƏRTAC-a istinadən bildirir ki, bu barədə Rusiya Jurnalistlər İttifaqının sədri Vladimir Solovyov məlumat verib. Onun sözlərinə görə, Beynəlxalq Jurnalistlər Federasiyası bütün dünyada 30 ölkədən olan 60-dan çox KİV əməkdaşının COVID-19 xəstəliyindən vəfat etdiyi barədə informasiya yayıb.
Mənzil qərargahı Cenevrə şəhərində yerləşən "Press Emblem Campaign" qeyri-hökumət təşkilatı isə öz növbəsində bu ilin mart ayından indiyədək koronavirus infeksiyasından 31 ölkədən azı 117 jurnalistin öldüyünü bildirib.
Qeyd edək ki, 2019-cu ilin sonlarında Çinin Hubey əyalətinin Uxan şəhərində yeni koronavirusun səbəb olduğu xəstəlik sürətlə yayılmağa başlayıb və tez bir zamanda bütün dünyanı bürüyüb. Mart ayının 11-də Dünya Səhiyyə Təşkilatı COVID-19 xəstəliyinə səbəb olan yeni koronovirusun yayılmasını pandemiya elan edib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.png)
.jpg)
.jpg)
.jpg)
