ABŞ-ın "SpaceX" şirkətinə məxsus "Crew Dragon" gəmisinin komandiri, astronavt Daqlas Herli Beynəlxalq Kosmik Stansiyaya keçərkən başını əzib.
Milli.Az oxu.az-a istinadən xəbər verir ki, bunu NASA-nın nümayəndəsi Stiv Stiç deyib.
"Bəli, o, başını əzib. Orbitdə bəzən belə hallar olur", - Stiç bildirib.
O, Herlinin vəziyyətinin yaxşı olduğunu iddia edib. Bununla belə, mənbə xəbər verir ki, BKS-lə rabitə zamanı Herli əli ilə alnını tutub. Bir müddət sonra astronavta salfet uzadılıb və o, vaxtaşırı alnını silməyə başlayıb.
Lakin astronavtın alnında qan görünməyib.
Milli.Az