Dünya

Qardaş 18 yaşlı bacısını diri-diri yandırdı - Olayın şok təfərrüatı

29 May 2020 20:42
Baxış: 3 051
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İranın Rəşt şəhərində qardaş 18 yaşlı bacısı və sevgilisini diri-diri yandırıb.

Milli.Az Teleqraf.com-a istinadən xəbər verir ki, bu barədə İranın hüquq-mühafizə orqanları məlumat yayıb.

Məlumata görə, qardaşın evi yandırması nəticəsində içəridə olan sevgililər ağır xəsarətlərlə xəstəxanaya çatdırılıb. Lakin qızın həyatını xilas etmək mümkün olmayıb.

Hadisənin qısqanclıq zəminində baş verdiyi bildirilib. Belə ki, qardaş bacısının sevdiyi adamla evlənməsinə qarşı olub. Lakin bunu əngəlləyə bilməyib. Buna görə o, bacısı və sevdiyi şəxsin atasının evində olduğunu öyrəndikdən sonra ora gedib və evi yandırıb. Nəticədə 18 yaşlı qız və sevdiyi kişi ağır yanıq xəsarətləri ilə xəstəxanaya çatdırılıb.

Qızın öldüyü bildirilsə də, sevgilisinin vəziyyətinin necə olduğu barədə məlumat verilməyib.

Qardaş hadisədən qısa müddət sonra həbs edilib. O, bu cinayəti törətməyə səbəb kimi bacısının özündən 12 yaş böyük kişi ilə ailə qurmasına qarşı olmasını göstərib.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.