Dünya

İndoneziyada da fövqəladə vəziyyət elan edildi

1 Aprel 2020 15:10
0 Şərh     Baxış: 760
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İndoneziya prezidenti Coko Vidodo yeni koronovirus təhlükəsi ilə əlaqədar ölkədə səhiyyə sahəsində fövqəladə vəziyyətin tətbiq olunduğunu elan edib.

Milli.Az AZƏRTAC-a istinadən bildirir ki, bu barədə "The Jakarta Post" qəzeti məlumat yayıb.

Prezidentin sözlərini sitat gətirən qəzet yazır: "Biz səhiyyə sahəsində mühüm qadağaların tətbiqi barədə qərar qəbul etdik. Prezidentin ölkədə fövqəladə vəziyyət elan olunması barədə Fərmanı qəbul olundu".

C.Vidodo bəyan edib ki, ölkədə tətbiq ediləcək məhdudiyyət tədbirlərinə milli polis nəzarət edəcək. Bununla yanaşı, o, polisin səlahiyyətinə daxil olunan konkret məsələləri də elan edib.

İndoneziyanın hakimiyyət orqanları tərəfindən yeni koronovirusun yayılmasının qarşısını almaq məqsədilə ilk olaraq əcnəbilərin ölkəyə girişinə və çıxışına qadağa qoyulmuşdu.

Qeyd edək ki, martın 31-nə olan son məlumatlara görə, İndoneziyada yeni koronavirusa 1528 nəfər yoluxub və onlardan 14-ü ölüb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.