Martın 31-dən başlayaraq Gürcüstanda metro və digər ictimai nəqliyyat vasitələri, avtobusların fəaliyyəti müvəqqəti dayandırılır.
Milli.Az AZƏRTAC-a istinadən bildirir ki, bu barədə Gürcüstanın Baş Naziri Giorgi Qaxaria martın 30-da keçirdiyi brifinqdə bildirib.
Baş Nazir deyib ki, martın 31-dən həm şəhərdaxili, həm də şəhərlərarası istənilən növ ictimai nəqliyyatın fəaliyyəti qadağan olunur.
Onun sözlərinə görə, taksilər də daxil olmaqla, yalnız minik avtomobillərinin hərəkətinə icazə verilir. Bu nəqliyyat vasitələrində arxa oturacaqda iki nəfər əyləşməklə yalnız üç nəfər ola bilər.
Qeyd edək ki, Gürcüstanda martın 31-də saat 08:00-dan ümumi karantin rejimi qüvvəyə minəcək.
Milli.Az