2019-cu ilin sonunda Çində başlayan koronavirus COVİD-19 epidemiyası hazırda dünyanın 160-dan çox ölkəsini sarıb, bütün dünyada ümumilikdə bu virusa yoluxanların sayı 190 mini, ölənlərin sayı isə 7 mini keçib.
Epidemiya səbəbindən əksər ölkələrdə təlim-tədris dayandırılıb, muzeylər, teatrlar, kafe və restoranlar bağlanıb, mötəbər beynəlxalq tədbir və idman yarışları təxirə salınıb. COVİD-19-un bütün dünyada daha çox təsir etdiyi sahələrdən biri aviasiya sahəsidir.
Məsələn, koronavirusun tüğyan etdiyi İtaliya aeroportlarında işçi heyətin sayı azalıb, sərnişinlər isə, demək olar ki, yoxdur. Bu hal, eləcə də, İspaniya, Fransa, Almaniya və Hollandiyada müşahidə edilir.
Milli.Az Day.Az-a istinadən koronavirus bəlası yaşayan hava limanlarının kimsəsizliyini əks etdirən fototəsvirləri oxuculara təqdim edir.
Milli.Az