Dünya

Saakaşvilinin iqamətgahı satıldı

14 Dekabr 2019 15:34
1 Şərh     Baxış: 1 655

Gürcüstan hakimiyyəti "Biznes üçün 100 sərmayə təklifi" layihəsi çərçivəsində keçirilən hərracda sabiq prezident Mixail Saakaşviliyə aid olan iqamətgahı 7,5 milyon lariyə (2,7 milyon dollar) satıb.

Milli.Az virtualaz.org-a istinadən bildirir ki, bunu jurnalistlərə açıqlamasında Gürcüstanın İqtisadiyyat naziri Natiya Turnavu deyib.

Satılan iqamətgahın Svaneti yüksək dağlıq regiondakı Mestiya qəsəbəsində yerləşdiyi bildirilib. İqamətgahın satış qiyməti başlanğıc qiymətindən 308% çox olub. Bu qiyməti dövlətə "Aiqvini Saxli" şirkəti ödəyə bilib.

Qeyd edək ki, Saakaşvilinin iqamətgahı 2011-ci ildə tikilib.

Amma sabiq prezidentin iqamətgahdan istifadə edib-etmədiyi məlum deyil. Çünki 2012-ci ildə onun partiyası parlament seçkilərində məğlubiyyətə uğrayıb və bundan bir il sonra Saakaşvilinin prezident səlahiyyətlərinin müddəti başa çatıb.

Milli.Az

Şərh yaz:

1 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.