Dünya

Suriyada sülhün bərpasına dair danışıqların yeni mərhələsinə Qazaxıstan ev sahibliyi edəcək

22 Noyabr 2019 21:27
0 Şərh     Baxış: 875
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qazaxıstan xarici işlər naziri Muxtar Tleyberdi cümə günü jurnalistlərə deyib ki, dekabrın 10 və 11-də Rusiya, Türkiyə və İranın sponsorluğu ilə Suriyada sülhün bərpası ilə bağlı danışıqların yeni mərhələsinə Qazaxıstan ev sahibliyi edəcək.

Tleyberdi yığıncağın gündəliyi və ya danışıqlarda kimlərin iştirak edəcəyi barədə heç bir məlumat verməyib.

Türkiyə Prezidenti Rəcəb Təyyib Ərdoğan Suriya sammitindən öncə danışıqlar aparmaq üçün sentyabrın 16-da İran və Rusiya prezidentlərini qəbul etmişdi.

Suriya sammitinin diqqət mərkəzində Suriya prezidenti Bəşər Əsədi hakimiyyətdən devirməyə çalışan üsyançıların nəzarətindəki sonuncu ərazi olan İdlib bölgəsindəki durum olub.

Rusiya Prezidenti Vladimir Putin, İran Prezidenti Həsən Ruhani və Türkiyə Prezidenti Rəcəb Tayyib Ərdoğan danışıqlarda Suriya hökumətinin regional gərginliyi artıran və Türkiyəyə yeni miqrant dalğasına təkan verə biləcək hücumlarından sonra həmin ölkənin şimal-qərbində davamlı sülhün təmin edilməsinə səy göstərdiklərini deyirlər.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.