Dünya

Berlin yeni miqrasiya "sunami"sindən ehtiyat edir

7 Oktyabr 2019 23:00
0 Şərh     Baxış: 902
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Son zamanlar Yaxın Şərqdən, xüsusən Suriyadan sığınacaq üçün Yunanıstana gələnlərin sayında kəskin artım müşahidə olunur.

Milli.Az AZƏRTAC-a istinadən bildirir ki, Almaniyanın Daxili İşlər naziri Xorst Zeexofer bununla bağlı Brüsseli Avropa İttifaqının xarici sərhədlərini bağlamağa çağırıb. Belə ki, bu proseslər Avropaya yeni miqrant axınına səbəb ola bilər. Nazir ehtiyat edir ki, bu dəfə qaçqın axını 2015-ci ilin yay-payız aylarında olduğundan daha irimiqyaslı ola bilər. Bunun səbəbi təkcə Suriyada müharibənin davam etməsi deyil, həm də Almaniya və Avropa İttifaqının digər ölkələrində sığınacaq almış qaçqınlar öz həmvətənlərinə buradakı "uğurları" barədə mesaj göndərirlər. Onlar özlərinin cəhənnəmdən Avropa cənnətinə düşdüklərini qeyd edir və bunun digərləri üçün də real olduğunu bildirirlər. İlk miqrasiya dalğasından sonra evlərində qalmış suriyalıların bir çoxu da Avropada sığınacaq almış həmvətənləri kimi ölkələrindən qaçmaq barədə düşünməyə başladılar. Axı, onların soydaşları həmin ölkələrdə təhlükəsiz şəraitdə yaşayır, üstəlik müavinət də alırlar.

Avropa Komissiyasının yeni sədri Ursula fon der Lyayen də miqrasiya prosesinin təkrarlanmaması üçün əlindən gələni edəcəklərini bildirib. Bunun mümkün olub-olmayacağını zaman göstərəcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.