Dünya

ABŞ və Çin razılığa gəlir: Sülh bağlayacaqlar

27 İyun 2019 19:24
0 Şərh     Baxış: 784
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Çin və ABŞ ticarət müharibəsində müvəqqəti barışıq elan etməyə razılaşıblar.

Milli.Az Sputnik Azərbaycan-a istinadən xəbər verir ki, bu barədə Çinin "South China Morning Post" qəzetinə məlumatlı mənbələr deyib.

Barışığın "Böyük İyirmiliyin" iyunun 28-29-u Osakada keçiriləcək sammitində elan ediləcəyi bildirilir.

Keçən ilin iyul və sentyabr aylarında Vaşinqton və Pekin idxal dəyəri yüz milyardla dollara çatan bir sıra malın gömrük rüsumunu qarşılıqlı olaraq artırıblar. Bu il dekabrın əvvəllərində "Böyük İyirmiliyin" Argentinada keçirilmiş görüşü zamanı isə iki ölkə lideri ticarət müharibəsində barışığa dair razılaşma əldə ediblər.

"Mübahisənin həlli yolunda danışıqları bərpa etmək üçün ABŞ və Çin ticarət müharibəsində daha bir sülh razılaşmasına gəliblər", - mənbələr qəzetə bildirib.

Qeyd edilir ki, sülh razılaşmasının detalları Si Tsinpinin və Donald Trampın Yaponiyada baş tutacaq görüşünün press-relizinə daxil edilib.

Dünən ABŞ maliyyə naziri Stiven Mnuçin "CNBC" telekanalına verdiyi müsahibəsində Vaşinqton və Pekin arasında ticarət razılaşmasının 90 faiz hazır olduğunu deyib. O qeyd edib ki, razılaşmanın imzalanması ehtimalı hələ də qalır.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.