Dünya

Tramp: "Söhbət 2 min hərbçidən gedir"

13 İyun 2019 07:55
0 Şərh     Baxış: 924

Polşa ABŞ-dan 30-dan artıq F-35 qırıcı təyyarəsi alacaq.

Trend-in "TASS"a istinadən verdiyi məlumata görə, bunu ABŞ prezidenti Donald Tramp Polşa prezidenti Andjey Duda ilə görüçündən öncə deyib.

D.Trampın sözlərinə görə, A.Dudanın Vaşinqtona səfəri zamanı Ağ Evin üzərindən F-35 qırıcıları keçəcək, "Polşa 32 və ya 35 ədəd F-35 sifariş edib".

Ağ Evin rəhbəri əlavə edib ki, ABŞ Avropaya əlavə qoşun göndərməyəcək və Almaniyadakı hərbçilərin bir hissəsini Polşaya göndərməklə bu ölkədəki hərbi kontingentin sayını artıra bilərlər: "Söhbət 2 min hərbçidən gedir. Avropaya əlavə qoşun göndərilməyəcək. Onlar Almaniyadan və ya başqa yerlərdən Polşaya göndəriləcək. Bildiyiniz kimi Almaniyada bizim 52 min hərbçimiz var".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.