Dünya

Paşinyan Qarabağ separatçılarının pulunu kəsdi - Bir qəpik də verməyəcəm

11 İyun 2019 15:43
0 Şərh     Baxış: 1 070

İşğal altında olan Dağlıq Qarabağ regionunda separatçılarla Ermənistan hakimiyyəti arasında gərginlik davam edir.

Milli.Az ölkə.az-a istinadən xəbər verir ki, baş nazir Nikol Paşinyan işğal altında olan Qarabağın "hökumət"inə etibar etmir və hətta onları müharibəyə təhrik etməkdə təqsirləndirir. Erməni mətbuatının yazdığına əsasən, yaxın günlərdə Qarabağ separatçılarının başçısı Bako Saakyan qondarma "Dağlıq Qarabağ Respublikası"nın "təhlükəsizlik şurasının katibi" Vitali Balasanyanı yanına çağıraraq, ondan istefa ərizəsi yazmasını tələb edib. Saakyan bunu Ermənistan hakimiyyətinin göstərişi olması ilə əsaslandırıb.  

Ermənistan hakimiyyəti artıq iki aydır Qarabağ separatçılarının maliyyə yardımı ilə bağlı sorğularına rədd cavabı verir. Ermənistan hakimiyyəti Vitali Balasanyanın "vəzifə"də qalacağı müddətdə separatçılara bir qəpik belə verməyəcəyinə açıq eyham vurub.   
Nəşrin mənbəsinin dediyinə görə, Ermənistan ilk dəfə olaraq separatçılara qarşı maliyyə sanksiyası tətbiq edib.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.