Dünya

"Tramp nə düşünəcəyini bilmir" - İranın xarici işlər naziri

18 May 2019 22:34

0 Şərh Baxış: 907

#IRAN

İranın xarici işlər naziri Məhəmməd Cavad Zərif ABŞ prezidenti Donald Trampın İran ilə bağlı fikirlərini tənqid edib.

Milli.Az Sputnik Azərbaycan-a istinadən bildirir ki, İranın xarici işlər naziri ABŞ prezidenti Donald Trampın və "B" adlandırdığı komandanın (ABŞ prezidentinin milli təhlükəsizlik üzrə müşaviri, İsrailin baş naziri, Səudiyyə Ərəbistan və Əbu-Dabinin vəliəhd şahzadələri) ayrı-ayrı şeylər söylədiyini açıqlayıb.

C.Zərif sosial şəbəkədəki hesabında yazıb: "B" komandası bir şey söyləyir, Tramp da ayrı bir şey. Kimin nə düşünəcəyini bilmədiyi tam olaraq ortaya çıxır. Biz min illərdir ki, nə düşünəcəyimizi bilirik. ABŞ ilə bağlı da nə düşündüyümüzü bilirik".

O əlavə edib ki, bəzi yalançı xəbər kanalları İran ilə bağlı yalan xəbərlər yaymaqla ölkəmizə zərbə vurur. İran ilə bağlı hansı xəbərlərin yalan olduğu çaşqınlıq yaradır.

Milli.Az