Dünya

Rusiya hökuməti erməni milli qəhrəmanı satqın elan etdi - FOTO

9 May 2019 13:32
0 Şərh     Baxış: 2 296

Rusiyanın Xarici İşlər Nazirliyi "Nasizmin təriflənməsi, neonasizmin yayılması və irqçiliyin, irqi ayrı-seçkiliyin, ksenofobiya və qarşılıqlı dözümsüzlüyün artmasına səbəb olan digər praktikaların vəziyyəti haqqında" bir hesabat yayımlayıb.

Hesabatda Ermənistanın keçmiş prezidentı Serj Sarqsyanın rəhbərlik etdiyi Respublika Partiyası Qaregin Njde kimi birmənalı olmayan millətçi siyasi xadimin xatirəsinin əbədiləşdirmək üçün addım atmaqda qınanılır.

Milli.Az bizimyol.info-ya istinadən xəbər verir ki, Rusiya Xarici İşlər Nazirliyi ermənilərin milli qəhrəman saydığı Njdeni Üçüncü Reyx ilə əməkdaşlıqda ittiham edir. O, hesabatda açıq-aşkar satqın kimi təqdim olunub.

Qaregin Njde

Qaregin Njde

Hesabatda deyilir: "Ermənistandakı siyasi təşkilatların arasında milliyyətçi oriyentasiya 2018-ci ilin payızında qeydə alınmış "Sasna Tsrer" partiyası ilə fərqlənə bilər. "Sasna Tsrer" ideologiyasının əsasında Ermənistan Respublikasının "cinayətkar rus-türk sövdələşməsinin məhsulu" (1921-ci il Moskva anlaşması) kimi tanınması və "yeni bir dövlətin yaradılması" üçün mübarizə dayanır. Partiyanın bəyan etdiyi məqsəd dövlətin indiki ərazisi və Dağlıq Qarabağ daxil olmaqla "yeni Ermənistan yaradılması" və milli referendum yolu ilə vətəndən kənarda yaşayan ermənilərin birləşdirilməsidir. Partiya proqramlarında "Rusiya müstəmləkəçiliyinin pozduğu" hüquqlarının bərpası məsələsini və Naxçıvan və Axuryan çayının qərb hissəsinə erməni nəzarətinin qaytarılmasını xüsusi vurğulayır".

Partiyanın ideoloji sənədlərində qeyd olunur ki, milli azlıqlar (ruslar, assuriyalılar, kürdlər, yunanlar və başqaları) erməni cəmiyyətinə yaxşı inteqrasiya olunub və insan haqları sahəsində problem yaşamır.

Hesabatda adı çəkilən Qaregin Njde 1886-cı ildə Naxçıvan qəzasında dünyaya gəlin. Erməni milli ideologiyasının banilərindən sayılır. Bütün ömrünü "Böyük Ermənistan" ideyasına həsr edib. Üçüncü Reyxlə əməkdaşlığına görə Rusiyada da sevilmir.

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.