Gürcüstandan xarici ölkələrə mühacirət edənlərin sayı 2018-ci ildə 98 min 935 nəfər təşkil edib. Bu da 2017-ci illə müqayisədə 15,8 faiz çoxdur.
Milli.Az AZƏRTAC-a istinadən bildirir ki, bu barədə Gürcüstanın Milli Statistika Xidmətinin illik hesabatında deyilir.
Bildirilir ki, keçən il ölkədən mühacirət edənlərin 86,6 faizini əmək qabiliyyətli insanlar (15-64 yaş qrupu) təşkil edib.
Hesabata görə, ötən il Gürcüstana gələn mühacirlərin sayı da isə 2017-ci illə müqayisədə 5,9 faiz artaraq 88 min 152 nəfərə çatıb. Ölkəyə gələn immiqrantların 84,5 faizi əmək qabiliyyətli insanlardır.
Milli.Az