Dünya

İnsanlığın ölmədiyini sübut edən şəxs - Bütün İsveçin danışdığı türk - FOTO

22 Aprel 2019 20:29
4 Şərh     Baxış: 6 750

İsveçdəki türk əsilli taksi sürücüsü Ömər Təməl pul kisəsi və bank kartlarını evdə qoyan isveçli müştərisinə hava limanında kredit kartını verib.

Milli.Az ölkə.az-a istinadən xəbər verir ki, bu xəbər yayıldıqdan sonra Ömər İsveçdə qəhrəmana çevrilib. "Dagens Nyheter" qəzeti xəbəri manşetdə verdikdən sonra sosial şəbəkədə Təməl qəhrəman elan edilib.

Hadisəni Təməl belə danışıb:

"Cümə axşamı səhər saat 06:00-da Krister Östlund adlı isveçli müştərini hava limanına apardım. Hava limanına yaxınlaşanda müştəri təşvişə düşdü. Pul kisəsini və bank kartlarını evdə qoyduğunu dedi. İki günlük iş səyahəti var idi. Taksi üçün ödənişi sonra verə biləcəyini dedim və getdiyi ölkədə xərcləri üçün bank kartımı təklif etdim. Təklifimi eşidib dondu. İnanmadı və "Həqiqətən də ilk dəfə taksinə minən bir şəxsə güvənərək kartını və kodunu verə bilərsənmi"- deyə soruşdu. Mən də müsbət cavab verdim.

İki gün sonra mənə zəng etdi və hava limanında qarşılamağımı istədi. Onu qarşılayanda "Heç kəs belə etməz. Heç bir isveçli belə etməz. Sən necə belə bir addım atdın"-dedi. Mən də "Biz türklərin mədəniyyətində var, yardım etməyi sevirik. Bizim üçün bu normal" cavabını verdim".

İsveçli bu yaxşılıq əvəzində ona 30 min kron (6 min manat) pul təklif edib. Amma Təməl bank kartından cəmi 4.500 kron (700 manat) xərclədiyi üçün ancaq o pulu götürüb.

Məlum olub ki, Krister Östlund bir bank müdiridir. O, məsələ ilə bağlı deyib:
"Almaniya və Fransaya iki günlük səfərim var idi. Ömər məni xilas etdi. Hələ də dünyada belə insanlar var imiş. Dünyanı bu insanlar xilas edəcək".

Milli.Az

Məqaləyə dair fotomateriallar:

loading...

Şərh yaz:

4 Şərh:

  • Anonim
    QQ · 22 Aprel 21:3052

    Bəlu bunu ancaq Azəri və türk edə bilər.

    Cavab yaz
    • Anonim
      AZƏRİ · 22 Aprel 23:1460

      Bəli bunu hal-hazırda azəri zənginlərinin hamısı öz xalqına qarşı edir. Əlləriylə bacarmayanda təpikləriylə edirlər

      Cavab yaz
    • Anonim
      AZƏRİ · 22 Aprel 23:3810

      Türklər isə bunu Boraltan körpüsündə ediblər. "İnsanlıq, qeyrət, şərəf" dolu bir xəyanət

      Cavab yaz
  • Anonim
    asi · 22 Aprel 21:3452

    Sizin kimi zənginlərin məhv etdiyi dünyanı çətin ki, Təməl kimi taksi sürücüləri xilas edə bilə..Paradoks..

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.